И.Я.Яковлев – чăваш çĕнĕ çырулăхне йĕркелесе, пуçарса яраканĕ. Вăл тăван халăха çутта кăларас енĕпе питĕ нумай ĕç тунă, чăваш литературине, культурине аталанма пулăшнă. Чăваш ачисем валли букварь, шкулта тата килте вуламалли  кĕнекесем валли калавсем, юмахсем çырнă.

    И.Яковлев çинчен Г.Кадыкова вĕрентекен кашни урокрах вĕренекенсене каласа кăтартрĕ. Ачасем И.Яковлев çинчен презентаци пăхрĕç, унăн пурнăçĕпе паллашрĕç.

   Çавăн пекех шкул ачисем интернет – конкурса та хастар хутшăнчĕç. Чăваш çырулăхĕ, ăна пуçарса яракансем тата ытти кăсăклă ыйтусем çине хуравсем шырарĕç. Кунта пурĕ 10 йыту çине хуравлама тиврĕ.

   «Чăваш çырулăхĕ. 150 çул» 5 -6, 7 - 9 классем валли хатĕрленĕ интернет конкурс ыйтăвĕсем те интереслĕ пулчĕç. Кунта 15 ыйту çине ачасем хуравларĕç. 5-6 классем хушшинче Антонов Романпа Иванова Наталья тĕрĕс хуравсем нумайрах турĕç.

   7 - 9 классем хушшинче 8б класс ачисем маттур пулчĕç. Гурьева Надя, Исакова Тамара, Степанов Егор, Шалонова Светлана ыйтусене тĕрĕс хуравлама тăрăшрĕç . Чи  нумай балл Гурьева Н. пуçтарма пултарчĕ, 15 ыйтуран 13 ыйтуне тĕрĕс хуравларĕ. Вĕсем пурте электронлă сертификат илме тивĕçрĕç.